18 noyabr 2013 14:28
Nazim Süleymanov: Şükürov Neftçidə oynayanda onda heç bir əskiklik görməmişəm
“Neftçi”nin baş məşqçisi Nazim Süleymanov azerisport.az saytına şərhində futbol üzrə Azərbaycan yığmasının baş məşqçisi Berti Foqts Mahir Şükürovun Estoniya yığması ilə oyunda yaşanmış qol vəziyyətlərinin birindəki rolu haqda fikrinə münasibət bildirib.
“Şükürov rəhbərliyim altında “Neftçi”də oynayanda onda heç bir əskiklik görməmişəm. Hamı onun “Bakı” və “Xəzər Lənkəran”a qarşı necə oynadığını görüb. O, iki uğurlu oyun oynayıb. Şükürov komandada ən yaxşılardandır. Əgər futbolçu oynayırsa, o, səhv də edəcək. Sadəcə, səhvlər üzərində işləmək lazımdır”.
