17 noyabr 2013 20:33
Maksim Medvedev: 70-ci dəqiqədən sonra oyunum alınmırdı
Futbol üzrə Azərbaycan yığmasının müdafiəçisi Maksim Medvedev azerisport.az saytına müsahibəsində Estoniya yığmasına məğlubiyyət (1:2) haqda danışıb.
Oyun haqda hansı təəssüratlarınız var?
Belə çətin oyun olacağını gözləmirdik. Ümumiyyətlə, meydanın vəziyyəti məyus etdi. Düşünürdük ki, qazon daha yaxşı olacaq. Estoniya necə olmasa da, Avropadır. Öz futbolumuzu göstərmək üçün hər şey etdik, ancaq bu, bizdə pis alındı. Vurulmuş qoldan sonra hər şeyin yaxşı olacağı görünürdü. Ancaq rəqibin taktiki dəyişiklikləri oyunun gedişini dəyişdi.
Bəlkə biz təcrübələrə əl atdıq?
Estoniya yığmasının fasilədən sonra taktiki gedişlər etdiyini nəzərdə tuturam. Onlar bizimlə başqa cür oynamaq lazım olduğunu anladılar.
Siz artıq “dayaqçı” olursunuz?
Bu gün yalnız dayaq zonasında oynamadım. Hələ müəyyən tapşırıqlar vardı. Mahir Şükürova cinahda və mərkəzi zonada kömək etməli idim.
Rauf Əliyev azerisport.az saytına müsahibəsində komandanın ikinci hissədə “yatdığını” deyib. Sizə də belə gəlir?
Ola bilər ki, kənardan belə görünürdü. Əgər düzünə qalsa, məndə 70-ci dəqiqədən sonra oyun getmirdi. Belə qazonda top qovmaq çox çətindir. Oxşar vəziyyəti oyundaşlarımda da gördüm. Nəticədə udsuzduq.
Demək, fiziki cəhətdən estonlara uduzmadıq?
Necə deyim... Biz yaxşı meydanda məşq edib yüngül futbol oynamışdıq. Ancaq bura gəlib bu qazonu gördük. Hər şeyi meydanın üzərinə yıxmaq istəmirəm, ancaq bu, bizə çox mane oldu. Ola bilər məhz buna görə də biz “fizika”da uduzduq. Doğma divarların şəraitinə alışmış rəqibə isə həmişə asan olur.
