16 noyabr 2013 17:35
Vidadi Rzayev istefa verdi
Gəncənin "Kəpəz" klubunun baş məşqçisi Vidadi Rzayev istefa verib. Azerisport.az xəbər verir ki, Komandanın 1-ci diviziondakı nəticələrindən sonra veteran futbolçu postundan getmək istədiyini bildirib.
Amma klub rəhbərliyi istefanı qəbul etmək barədə düşünmür. "Kəpəz"in prezidenti Mehman Allahverdiyev azerisport.az saytına açıqlamasında sabah Vidadi Rzayevlə görüşəcəyini söylədi: "Rzayev nəticələrdən narazıdı. Onu başa düşmək olar. Amma unutmaq olmaz ki, komanda 1-2 həftəyə yığıldı. Bu müddətə güclü klub yaratmaq mümkün deyil. Qış transfer pəncərəsində heyəti gücləndirməyi düşünürük. Rzayevə demişdim ki, bir qədər səbrli olsun. Sabah onunla görüşüb məsələni müzakirə edəcəm. Çalışacaıq işini davam etdirsin. Çünki, komandanı birlikdə ayağa qaldıracağıq. Ona nəticələr pis təsir edir. Fikrimcə Vidadi Rzayev bu vəziyyətdə komandanı tək qoyan deyil".
