15 noyabr 2013 16:46
Veteran futbolçular Şəhidlər Xiyabanını ziyarət etdilər (FOTOLAR)
Noyabrın 16-da, Bayıl stadionunda veteranlardan ibarət Azərbaycan və Özbəkistan komandaları arasında yoldaşlıq oyunu keçiriləcək. Azerisport.az xəbər verir ki, qarşılaşma saat 17:30-da başlayacaq.
Bu gün hər iki ölkənin futbol veteranları Fəxri Xiyabanda ümummilli lider Heydər Əliyevin və görkəmli oftalmoloq Zərifə Əliyevanın məzarını ziyarət edib, abidələrinin önünə əklil və gül dəstələri qoyublar.
Futbol veteranları Şəhidlər Xiyabanına gedərək ölkəmizin azadlığı və ərazi bütövlüyü uğrunda canlarını fəda etmiş Vətən oğullarının ruhuna öz ehtiramlarını bildiriblər.
Sonra II Fəxri Xiyabana gedən veteran futbolçular Azərbaycan futbolunun ən istedadlı nümayəndələrindən olan Anatoli Banişevskinin məzarını ziyarət ediblər.
