14 noyabr 2013 13:55
Rahid Əmirquliyev: Səfərdə qələbə qazanmaq çətin olacaq
Millinin yarımmüdafiəçisi Rahid Əmirquliyev Estoniya və Qırğızıstan yığmalarına qarşı keçiriləcək oyunlar barədə fikrini azerisport.az saytına bildirib.
“Mənə elə gəlir ki, Estoniya ilə oyun Qırğızıstana qarşı keçiriləcək oyundan çətin olacaq. Estonların bir neçə oyununu görmüşəm və deyim ki, rəqibin yaxşı səviyyəsi var. Bizim qələbə şanslarımızı səfərdə oynayacağımız çətinləşdirir. Ümumilikdə isə düşünürəm ki, hər iki oyunda yaxşı nəticə göstərmək gücündəyik. Bakıya yaxşı əhvalda qayıtmaq istəyirəm”.
