12 noyabr 2013 00:48
Bakının futbolçuları Lansla tanış oldular
“Bakı” Futbol Klubu Madrid “Atletiko”su ilə yanaşı, “Lans”la da işbirliyini də davam etdirir. Azerisport.az xəbər verir ki, bir müddət əvvəl 5 yeniyetmə futbolçusunu təlim-tədris üçün “Atletiko”nun futbol akademiyasına yollayan klubun artıq U-15 komandası da Fransaya çatıb.
Ötən gün kollektiv üzvləri “Lans”ın bazası ilə tanış olublar. Həmçinin onlar Fransada qeyd edilən “Armistice” bayramına qatılıblar. Axşam saatlarında “Lans”ın “La Qaillette” bazasında məşq edən “Bakı”nın yetirmələri bu gün yoxlama görüşü keçirəcək. Komandamıza rəhbərlik “sarı-qırmızılar”ın Uşaq Futbol Akademiyasının məşqçisi Arsene Herveyə tapşırılıb.
“Bakı”nın daha 3 yoxlama matçında meydana çıxması gözlənilir.
