12 noyabr 2013 00:29
Millimizin üzvləri son turda
Futbol üzrə Azərbaycan yığmasını qarşıda Estoniya (15 noyabr) və Qırğızıstanla (19 noyabr) yoxlama oyunları gözləyir. Azerisport.az bu görüşlər ərəfəsində millimizə dəvət alan futbolçuların klublarındakı son oyunlarında nələrlə yadda qaldığını araşdırıb.
QAPIÇILAR
"Sumqayıt"ın qapıçısı Anar Nəzirov "Rəvan"la oyunda 90 dəqiqə meydanda olub və 1 qol buraxıb. Komandası isə 1 xalla kifayətlənib - 1:1.
Səlahət Ağayev "İnter"in "Simurq"la oyununda meydana çıxmaıb. Komandası isə qolsuz heç-heçəyə razılaşıb.
Fərhad Vəliyev "Qarabağ"ın AZAL-la oyununda 90 dəqiqə meydanda olub və 1 qol buraxıb. Qarşılaşma isə 1:1 hesabıyla bitib.
MÜDAFİƏÇİLƏR
Vladimir Levin "Qəbələ"ni kapitan kimi meydana çıxardığı "Xəzər Lənkəran"la qarşılaşmada 90 dəqiqə oynayıb. Bu komandanın millidəki üzvü Elnur Allahverdiyev, eləcə də cənub klubundan Rasim Ramaldanov isə qarşılaşmanın iştirakçısı olmayıb. Matç isə sülhlə bitib - 0:0.
Rəşad Sadıqov zədə səbəbindən "Qarabağ"ın AZAL-la oyununda meydana çıxmayıb. Onun yoxluğunda Bədavi Hüseynov bu qarşılaşmada 90 dəqiqə oynamaq şansı qazanıb. Ağdam klubunun digər üzvü Maksim Medvedev isə bütün matçı meydanda olmaqla yanaşı, komandasını məğlubiyyətdən xilas edən qola imza atıb - 1:1.
Mahir Şükürov "Neftçi"nin "Bakı"ya 2:1 hesabıyla qalib gəldiyi görüşdə 90 dəqiqə meydanda olub.
Ufuk Budak həmişəki kimi, Türkiyənin "Əskişəhərspor" klubunun "Akhisar BS" ilə görüşündə (2:0) də iştirak ərizəsinə salınmayıb.
YARIMMÜDAFİƏÇİLƏR
"Neftçi"nin kapitanı Rəşad Sadiqov "Bakı" ilə oyuna start heyətdə başlasa da, əlavə olunan dəqiqələrdə əvəzlənib. "Zolaqlılar"ın heyətində Əfran İsmayılov matçın 35-ci dəqiqəsində zədələndiyi üçün əvəzlənmək məcburiyyətində qalıb. Bu üzdən o, millimizə kömək edə bilməyəcək. "Bakı"nın digər yarımmüdafiəçisi Cavid Hüseynov isə 53-cü dəqiqədə meydana çıxmaq şansı qazanıb.
"Neftçi"nin kapitanı Rəşad Sadiqov "Bakı" ilə oyuna start heyətdə başlasa da, əlavə olunan dəqiqələrdə əvəzlənib. "Zolaqlılar"ın heyətində Əfran İsmayılov matçın 35-ci dəqiqəsində zədələndiyi üçün əvəzlənmək məcburiyyətində qalıb. Bu üzdən o, millimizə kömək edə bilməyəcək. "Bakı"nın digər yarımmüdafiəçisi Cavid Hüseynov isə 53-cü dəqiqədə meydana çıxmaq şansı qazanıb.
Rahid Əmirquliyev "Xəzər Lənkəran"ı "Qəbələ" ilə görüşə kapitan kimi çıxarıb və 90 dəqiqə meydanda olub. Görüş isə qeyd etdiyimiz kimi, qolsuz başa çatıb.
Əli Gökdəmir Almaniyanın "Hannover" klubunun ikinci komandasında "Kloppenburq"a qarşı oynayıb və 2:0 hesablı qələbəyə vurduğu bir qolla töhvə verib.
Ruslan Abışov Rusiyanın "Rubin" klubunun "Krasnodar"la ev oyununda iştirak ərizəsinə salınsa da, komandasının 0:1 hesablı məğlubiyyətini ehtiyat oyunçular skamyasından izləyib.
HÜCUMÇULAR
Vaqif Cavadov "İnter"in "Simurq"la oyununda (1:1) 90 dəqiqə meydanda olub. O, bu görüşdə sadəcə sarı vərəqə almaqla "fərqlənib".
Vaqif Cavadov "İnter"in "Simurq"la oyununda (1:1) 90 dəqiqə meydanda olub. O, bu görüşdə sadəcə sarı vərəqə almaqla "fərqlənib".
"Qarabağ"ın hücumçusu Vüqar Nadirov AZAL-la qarşılaşmada 65 dəqiqə meydanda olub.
Rauf Əliyev "Bakı"nın "Neftçi"yə uduzduğu görüşdə 90 dəqiqə oynayıb.
"Sumqayıt"ın üzvü Pərdis Fərcad-Azad "Rəvan"la qarşılaşmada 71 dəqiqə çıxış edib. O da sadəcə sarı vərəqə almaqla diqqət mərkəzinə düşüb.
Almaniyanın "Kayserslautern" klubunun forvardı Rüfət Dadaşov "Kikkers Offenbax"la görüşdə iştirak etməyib. Komandası isə 2:0 hesablı qələbəyə sevinib.
Türkiyənin "Sivasspor" klubunun hücumçusu Cihan Özkara da komandasının "Bursaspor" üzərindəki qələbəsini (2:1) kənardan izləyib.
