12 noyabr 2013 10:55
Estoniya yığması millimizlə oyun öncəsi ciddi itkilərlə üzləşdi
Noyabrın 15-də, yerli vaxtla saat 18:45-də (Bakı vaxtı ilə saat 20:45) Tallinn şəhərindəki "A. Le Coq Arena"da Azərbaycan milli komandası ilə yoldaşlıq oyunu keçirəcək Estoniya yığması bu oyuna hazırlığı davam etdirir. Azerisport.az xəbər verir ki, bu komanda həm də ayın 19-da Lixtenşteynlə qarşılaşacaq.
Artıq estonlar bu görüşlər öncəsi ciddi itki ilə üzləşiblər. Belə ki, komandanın aparıcı futbolçusu, kapitan Raqnar Klavan yığmamıza qarşı forma geyə bilməyəcək. Bunu Estoniya millisinin baş məşqçisi Tarmo Ryuutli bəyan edib:
"Bildiyim qədərilə, Klavanın bu görüşdə iştirakı böyük sual altındadı. O, zədəlidi. Mümkündü ki, bu görüşdə iştirak etməsin".
"Bildiyim qədərilə, Klavanın bu görüşdə iştirakı böyük sual altındadı. O, zədəlidi. Mümkündü ki, bu görüşdə iştirak etməsin".
Azərbaycanla oyunu eyni səbəbdən İqor Morozov, Taavi Raan, Alo Barenqrub və Rayo Piiroya da buraxacaq. Bu üzdən də Ryuutli milliyə üç gənc müdafiəçi - Mikk Reyntam, Artyom Artyunin və Karol Metsi çağırıb.
Sander Purinin də qarşıdakı oyunlarda iştirakı sual altındadı.
Estonların yığmamızla görüşə bu heyətlə hazırlaşdığını da qeyd edək:
Mikel Aksalu - Seinajoen Jalkapallokerho (Finlandiya)
Sergey Pareyko - Volqa (Rusiya)
Artyom Artyunin - Levadia
Enar Yaaqer - Lyers (Belçika)
Ken Kallaste - Nomme Kalyu
Gert Kams - Seinajoen Jalkapallokerho (Finlandiya)
Raqnar Klavan - Augsburg
Dmitri Kruqlov - Levadia
Karol Mets - Flora
Mikk Reyntam - Jyvaskyla (Finlandiya)
Taijo Teniste - Sogndal Fotball (Norveç)
Aleksandr Dmitriyev - Levadia
Joel Lindpere - Chicago Fire (ABŞ)
Siim Luts - Norrköping (İsveç)
Sergey Moşnikov - Gornik Zabrze (Polşa)
Sander Puri - York City (İngiltərə)
Konstantin Vassilyev - Amkar (Rusiya)
Martin Vunk - JK Sillamae Kalev
Henri Anyer - Motherwell FC (Şotlandiya)
Rimo Hunt - Levadia
Tarmo Kink - Gyori ETO FC (Macarıstan)
Henrik Ojamaa - Legia (Polşa)
Sergey Zenjov - Karpatı (Ukrayna)
