10 noyabr 2013 11:25
Maksim Medvedev: Bu gün Bakıya azarkeşlik edəcəm
"Qarabağ"ın müdafiəçisi Maksim Medvedevin azerisport.az saytına müsahibəsi
- Yenə AZAL, yenə xal itkisi...
- AZAL bizim üçün çətin rəqibə çevrilib. Heç özüm də bilmirəm ki, bu komanda ilə oyunlarımız niyə alınmır. Bizim altı oyunçumuza qarşı fərdi mübarizə aparırdılar. Hərdən bəzi şeylər gülməli alınırdı. Bizim bir oyunçumuz bu cinahdan digərinə keçəndə, ona qarşı oynayan futbolçu da eyni cür davranırdı.
- Oyunlarınız da bir-birinə oxşar oldu. Düzdü, bu dəfə nəticə bir qədər fərqli oldu. Həm də komandanızın bərabərlik qolunu siz vurdunuz...
- Ssenari təkrarlandı. Qol vəziyyətlərimiz çox oldu. Amma dəyərləndirə bilmədik. Həm də süni örtüklü meydanda oynamaq ağır idi.
- Xal itkisinə baxmayaraq, "Qarabağ" liderdi. Hətta "Neftçi" bu gün qələbə qazansa belə, zirvədə qalacaqsız...
- Əgər biz məğlub durumda olarkən heç-heçə ediriksə, bunu ancaq müsbət məqam kimi qeyd etmək lazımdı. Odu ki, bu xal itkisinə görə çox üzülməyə dəyməz. Qazandığımız bu bir xal da mövsümün sonunda çox vacib əhəmiyyət daşıya bilər.
- Artıq yığmanın qarşıdakı oyunlarına köklənmək olar?
- Hələ yox. Turun mərkəzi oyununda "Neftçi" ilə "Bakı" üz-üzə gələcək. Tura yekun vurulandan sonra milli haqda düşünə bilərik.
- Hələ yox. Turun mərkəzi oyununda "Neftçi" ilə "Bakı" üz-üzə gələcək. Tura yekun vurulandan sonra milli haqda düşünə bilərik.
- Yəqin ki, ən yaxın izləyiciniz "Neftçi"nin məğlubiyyətini arzulayacaqsız...
- Mən sadəcə "Bakı"ya azarkeşlik edəcəm, daha "Neftçi"yə qarşı yox. "Bakı"da dostlarım oynayır - Rauf Əliyevlə Əfran İsmayılov. Bizim öz aramızda zarafatımız var (gülür).
- Yığma ilə dörd gün ərzində iki oyuna çıxmalısız. Estoniya və Qırğızıstanla oyunlar ağır olmayacaq ki?
- Əlbəttə, fasilə qısa olacaq. Amma biz bu oyunların hər ikisində qələbə qazanmaq istəyirik. Çünki ilin son oyunları olacaq. Bütün uşaqlar formadadılar. Bu görüşlərin nəticəsi bizim üçün az əhəmiyyət kəsb etməyəcək.
- Əlbəttə, fasilə qısa olacaq. Amma biz bu oyunların hər ikisində qələbə qazanmaq istəyirik. Çünki ilin son oyunları olacaq. Bütün uşaqlar formadadılar. Bu görüşlərin nəticəsi bizim üçün az əhəmiyyət kəsb etməyəcək.
- Bu oyunlar Berti Foqtsun yığmamızdakı son fəaliyyəti ola bilər. Onun rəhbərlik etdiyi dövrü necə qiymətləndirə bilərsiz?
- Foqtsla çox şey dəyişib. Yaxşı mənada. Çempionatın da səviyyəsi qalxıb. Yığmanın futbolçuları üçün hər cür şərait yaradılıb. O, özü isə bizim üçün çox şey edib. Seçmə mərhələlərdə yığmamızla rekorda imza atdı, ardından həmin rekordu yenilədi.
- Foqtsun yığmamızı AÇ-2016-nın final mərhələsinə çıxarmağa söz verdiyini xatırlayırsız?
- Əgər elə deyibsə, deməli, nəyəsə güvənib.
- Foqts getsə, onun əcnəbi mütəxəssislə əvəzlənməsini istərdiniz, yerli ilə?
- Mən daha çox əcnəbi mütəxəssisin tərəfdarıyam. Fikrimcə, o, daha obyektiv olacaq. Ən azından futbolçu seçimində. Yəni hamıya eyni gözlə baxacaq.
- Mən daha çox əcnəbi mütəxəssisin tərəfdarıyam. Fikrimcə, o, daha obyektiv olacaq. Ən azından futbolçu seçimində. Yəni hamıya eyni gözlə baxacaq.
