10 noyabr 2013 01:04
Milinko Pantiç: Rəqibə hörmət, məqsəd qələbə!
“Bakı”nın baş məşqçisi Milinko Pantiç Topaz Premyer Liqasının 13-cü turunun “Neftçi” ilə oyunu öncəsi fikirlərini açıqlayıb. Azerisport.az xəbər verir ki, serbiyalı mütəxəssis klub saytına açıqlamasında bunları söyləyib:
“İlk dövrədə “Neftçi”ni yalnız biz məğlub edə bilmişdik. Buna baxmayaraq, rəqib yaxşı təşkilatlana bilir. Həmin qələbə göstərdi ki, komanda istək olanda, məqsədinə çata bilir. Çəkindiyim məqam yalnız bəzi halları idarə edə bilməməyimlə bağlıdı. Artıq buna qarşı heç nə edə bilmirik. “Neftçi”yə yeni baş məşqçi gəlib. Ancaq heç kim bir komandanı 5-10 günə tam dəyişdirə bilmir. İdeyam odu ki, mən rəqib yox, “Bakı” haqda düşünürəm. Nə problemləri varsa, özləri həll edir. Rəqibə hörmət, məqsəd qələbə! Bu amalla meydana çıxacağıq”.
