9 noyabr 2013 18:19
Qurban Qurbanov: Sadıqov bizim oyunumuzu daha yaxşı araşdırıb
“Qarabağ”ın baş məşqçisi Qurban Qurbanov Topaz Premyer Liqasının 13-cü turu çərçivəsində keçirilmiş AZAL-la oyunu şərh edib. Azerisport.az xəbər verir ki, Ağdam klubunun çalışdırıcısı 1:1 hesablı heç-heçədən sonra bunları söyləyib:
“Oyun ümumilikdə maraqlı keçdi. Meydanın hər yerində mübarizə gedirdi. AZAL bizim üçün çətin rəqibdi. Qol vurmaq şanslarımız oldu. AZAL belə oynasa, bütün rəqiblərimizdən xala ala bilər. Hesab bərabərləşdikdən sonra rəqibin cərimə meydançasında olmağa çalışdıq. Komanda yaxşı oynadı, dincəlib, qarşıdakı oyunlara yaxşı hazırlaşmaq üçün vaxtımız var. Qara Qarayevi oyuna daxil etdim ki, topa daha çox nəzarət edək. Bu cür rəqiblə oyunda qol buraxmamağa çalışmalısan. Vaqif Sadıqov bizim oyunumuzu daha yaxşı araşdırıb, biz buna hazır olmalıyıq”.
