8 noyabr 2013 11:14
Topaz Premyer Liqası, 13-cü tur: Mircavadovun proqnozu
Azərbaycanlı futbol mütəxəssisi Ağasəlim Mircavadov azerisport.az saytı üçün Topaz Premyer Liqasının 13-cü turunun oyunları ilə bağlı proqnozlarını açıqlayıb.
RƏVAN - SUMQAYIT
Şahin Diniyevin gəlişindən sona komanda yaxşı tərəfə dəyişib. Əlbəttə, onun seçim imkanı böyük deyil. Amma komanda sona kimi mübarizə aparır. Qələbəyə çalışdıqları görünür. Lakin komandada bəzi problemlər var ki, bu da istənilən nəticələrin əldə olunmasına imkan vermir. "Sumqayıt"da isə təcrübə çatışmazlığı var. Bu oyunda "Rəvan"ın qalib gələcəyini düşünürəm.
AZAL - QARABAĞ
Ağdam klubu hazırda relsə düşüb və istədiyi nəticələri qazana bilir. Onlar "Qəbələ" ilə son oyunu komanda üçün yaxşı dərs oldu. Çünki hər oyunda sona kimi mübarizə aparmaq lazımdı. AZAL da ürəkdən oynayır, müsbət nəticələr qazanmağa çalışır. Amma bu görüşdə "Qarabağ"ın qalib gələcəyi qənaətindəyəm.
İNTER - SİMURQ
"Simurq" hələ də ev oyunlarını Zaqatalada keçirə bilmir. Bu, komandanın nəticələrinə təsirsiz ötüşmür. "İnter" son oyunlarda qələbə qazana bilib. İndi onlar növbəti üç xal qazanmağa çalışacaqlar. Ona görə "bankirlər"in qələbəsini gözləyirəm.
XƏZƏR LƏNKƏRAN - QƏBƏLƏ
"Xəzər Lənkəran" çox zəif çıxış edir. Komanda həm də çox qol buraxır. Elə son iki oyuna 7 qol buraxıblar. Bu, çox xoşagəlməz məqamdı. Lənkəranda güclü dəstək olsa, bu, oyunçulara əlavə motivasiya verə bilər. Bildiyimə görə, "Neftçi"yə məğlubiyyətdən sonra klubdaxili iclas keçiriblər. Bu, öz rolunu oynaya bilər. "Qəbələ" "Qarabağ"a qarşı oynadığı kimi çıxış etsə, istədiyi nəticəni qazana bilər. Amma mənim fikrimcə, XL uduzmayacaq. Lənkəranlılara üstünlük verirəm.
XƏZƏR LƏNKƏRAN - QƏBƏLƏ
"Xəzər Lənkəran" çox zəif çıxış edir. Komanda həm də çox qol buraxır. Elə son iki oyuna 7 qol buraxıblar. Bu, çox xoşagəlməz məqamdı. Lənkəranda güclü dəstək olsa, bu, oyunçulara əlavə motivasiya verə bilər. Bildiyimə görə, "Neftçi"yə məğlubiyyətdən sonra klubdaxili iclas keçiriblər. Bu, öz rolunu oynaya bilər. "Qəbələ" "Qarabağ"a qarşı oynadığı kimi çıxış etsə, istədiyi nəticəni qazana bilər. Amma mənim fikrimcə, XL uduzmayacaq. Lənkəranlılara üstünlük verirəm.
NEFTÇİ - BAKI
"Neftçi" yəqin ki, ilk dövrədəki 0:3 hesablı məğlubiyyətin revanşını almağa çalışacaq. Komandada yeni baş məşqçi var və futbolçular indi daha yaxşı oyun sərgiləməyə çalışırlar. Fikrimcə, "ağ-qaralar" "Bakı"dan qisaslarını alacaqlar.
