8 noyabr 2013 15:00
Reynaldo: Daha yaxşı oynaya biləcəyimə əminəm
“Qarabağ”ın yarımmüdafiəçisi Reynaldo azerisport.az saytına müsahibəsində futbol üzrə Topaz Premyer Liqasının təsis etdiyi ən yaxşı oyunçuya verilən mükafatın oktyabr qalibi olması barədə fikirlərini bölüşməklə yanaşı, digər sualları cavablayıb.
Oktyabr ayı üçün ən yaxşı futbolçu olduğunuzu sizə bildiriblər?
Bəli. Almeyda bu barədə dedi. Gözlənilməz olsa da, xoş idi.
Bəs siz bu mükafatı kimə verərdiniz?
“Qarabağ”da ən yaxşılardır. Ancaq mənə gəlincə, mükafatı Almeyda və ya Çumbinyoya verədim.
AZAL-a qarşı keçiriləcək oyuna hazırlıq necə gedir?
Biz birinci pillədə qalıb kiçik fasiləyə yaxşı əhvalda yollanmaq istəyirik.
İlk dövrədən AZAL-dan alınmış məğlubiyyəti xatırlayırsınız?
Əlbəttə. Bu dəfə revanş almaq lazımdır. Rəqibimizi yaxşı öyrənmişik.
İndi siz yaxşı formadasınız?
Avrokuboklardan sonra məndə eniş müşahidə olunurdu. Ancaq Qurban Qurbanov mənimlə bir neçə söhbət apardı və bu, mənə kömək etdi. Oktyabr ayında oynadığımdan daha yaxşı oynaya biləcəyimə əminəm.
Mövsümün yekunlarına görə ən yaxşı olmaq istəyi var?
Bu haqda danışmaq tezdir. Əvvəlcə “Qarabağ” çempion oldun, sonra baxarıq.
Qurbanov “Qəbələ” ilə oyuna (4:3) görə komandanı çox tənqid edib?
Bizə bunun dərs olduğunu və sona qədər oynamaq lazım olduğunu deyib. Biz məşqçimizi başa düşdük.
“Qarabağ”ı tərifləməkdə heç kəs tənbəllik etmir. Öz klubunuzdan başqa hansı klub ürəyinizcədir?
“Qəbələ”. Çox yaxşı komandadır. Buna sübut bizimlə oyundur. Həmçinin, “Neftçi” pis görünmür.
