8 noyabr 2013 14:50
Əfran İsmayılov: Bakının Xəzər Lənkəranın taleyini yaşamasını istəmirəm
“Bakı”nın yarımmüdafiəçisi Əfran İsmayılov azerisport.az saytına müsahibəsində futbol üzrə Topaz Premyer Liqasının təsis etdiyi ən yaxşı oyunçu və ən gözəl qol müəllifinə verilən mükafatın sentyabr qalibi olması barədə fikirlərini bölüşüb.
“Fairmont”a niyə getdiyinizi bilirdiniz?
Adətən belə tədbirlərə əbəs yerə dəvət etmirlər. Güman edirdim ki, son ayların biri üçün ən yaxşı oyunçu ola bilərəm.
Məhz hansı ay üçün, düşünmürdünüz ki?
Təxmin edirdim ki, söhbət sentyabr ayından gedir.
“Neftçi”nin qapısına vurduğunuz qol isə sentyabrın ən yaxşı qolu seçilib.
Bəli, Doğrudan da, pis alınmayıb. İkiqat mükafat almaq ikiqat xoşdur.
Hansı daha vacibdir?
Ayın ən yaxşı oyunçusu mükafatını almağa hələ keçən mövsümdən öyrəşmişik, onda bu mükafat azca vacibdir. Ancaq mənimlə yanaşı komanda yoldaşım Rauf Əliyevin oktyabr ayı üçün ən gözəl qol müəllifi seçilməsi də çox xoşdur.
Bu gün “Qarabağ”ın hazırkı futbolçusu - oktyabr ayının ən yaxşısı Reynaldonun və klubun iki keçmiş futbolçusu - siz və Rauf Əliyevin mükafat alacağı simvolikdir.
Raufla bura “Bakı”nın oyunçuları kimi gəlmişik. Ancaq rəmzi əlamət yenə də var.
Sizi növbəti turda sentyabrın ən gözəl qolunu vurduğunuz “Neftçi” ilə oyun gözləyir. Uğuru təkrar etmək istərdiniz?
Belə gözəl qol vurmaq çətin ki mümkün olsun. Ancaq ümumilikdə, fərqlənmək istərdim.
“Neftçi” qisas ala bilmək bacarığının Super kubokdakı məğlubiyyətə görə “Xəzər Lənkəran”ı 4:1 hesabı ilə darmadağın etməklə göstərdi. Bunu yaşamaqdan qorxmursunuz?
Bunu yaşanmaması üçün hər şey etmək lazımdır. Bizə çox çətin olacaq. Axı “neftçilər” Nazim Süleymanovun komandaya gəlişindən sonra çox dəyişiblər. Ancaq bizim də mükafat uğrunda mübarizədə öz tapşırıqlarımız var.
