7 noyabr 2013 15:47
Cavid Hüseynov: Neftçi ilə düşmən münasibətdə deyilik
"Bakı"nın yarımmüdafiəçisi Cavid Hüseynovun azerisport.az saytına müsahibəsi
- Komandanızın son iki oyununda meydana ikinci hissədə çıxmısız. Bu, nə ilə bağlıdı?
- Bu barədə baş məşqçi ilə heç bir söhbətimiz olmayıb. Mənim üçün də bu, qaranlıq qalır. Ola bilər ki, Milinko Pantiç mənim oyunumda geriləmə olduğunu düşünür. Ən yaxşısı bu sualı onun özünə verin.
- Bu barədə baş məşqçi ilə heç bir söhbətimiz olmayıb. Mənim üçün də bu, qaranlıq qalır. Ola bilər ki, Milinko Pantiç mənim oyunumda geriləmə olduğunu düşünür. Ən yaxşısı bu sualı onun özünə verin.
- "Neftçi" ilə oyunda meydana çıxacaqsız?
- Hələ bu oyun üçün heyət müəyyənləşməyib. Özümü məşqlərdə göstərmək imkanım var.
- Keçmiş komandanızla oyun öncəsi xüsusi hiss yoxdu ki?
- "Neftçi"yə qarşı düşmən münasibətdə deyilik. Amma prinsipial oyun olacaq. Fikrimcə, bizi maraqlı qarşılaşma gözləyir. Ümumiyyətlə, belə prinsipial oyunlar nə qədər çox olsa, bir o qədər yaxşı olar.
- "Neftçi"yə qarşı düşmən münasibətdə deyilik. Amma prinsipial oyun olacaq. Fikrimcə, bizi maraqlı qarşılaşma gözləyir. Ümumiyyətlə, belə prinsipial oyunlar nə qədər çox olsa, bir o qədər yaxşı olar.
- İlk dövrədə "Bakı" "Neftçi"yə darmadağınla qalib gəlmişdi...
- Bunu yada salmamağa çalışırıq. Bu dəfə də qələbə qazanmağı çox istəyirik. Hətta 1:0 da olar. Amma təbii ki, nə qədər çox qol vursaq, bir o qədər yaxşı olar.
- Bu oyunun Fariz Yusifov tərəfindən idarə olunmasına münasibətiniz necədi?
- Mənim Farizlə heç bir problemim yoxdu. Normal hakimdi. Əgər matçı ona tapşırıblarsa, deməli, Yusifova güvənirlər. Ümid edirəm ki, bu matçın öhdəsindən gələcək.
- Mənim Farizlə heç bir problemim yoxdu. Normal hakimdi. Əgər matçı ona tapşırıblarsa, deməli, Yusifova güvənirlər. Ümid edirəm ki, bu matçın öhdəsindən gələcək.
- Kamran Ağayev zədələnəndən sonra komandanız daha çox qol buraxmağa başlayıb...
- Bu, "Bakı"nın indiki problemidi. Ümid edirəm ki, "Neftçi" ilə oyuna qədər məşqçilər korpusu nəsə düşünəcəklər. Kamrana gəlincə, onun da mümkün qədər tez bir zamanda sıraya dönməsini arzulayırıq. Çünki o, təkcə komandamızın yox, ölkənin ən yaxşı qapıçısıdı. Onun meydanda olmaması digər futbolçulara da təsirsiz ötüşmür.
