7 noyabr 2013 15:34
Sentyabr və oktyabrın ən yaxşıları sabah mükafatlandırılacaq
Noyabrın 8-də Topaz Premyer Liqasının sentyabr və oktyabr aylarının ən yaxşı oyunçuları, ötən iki ayın ən gözəl qollarının müəllifləri, həmçinin son üç ayın ən yaxşı futbolçusunun adını düzgün tapan KİV nümayəndəsi Peşəkar Futbol Liqası və Topaz tərəfindən mükafatlandırılacaq. Azerisport.az xəbər verir ki, bu barədə Peşəkar Futbol Liqası məlumat yayıb.
Məlumatda bildirilir ki, “Fairmont Baku” mehmanxanasında keçiriləcək tədbirin başlama saatı 14:00-dı. Bütün KİV nümayəndələri tədbirə dəvətlidi.
