6 noyabr 2013 14:16
İçərişəhər Ellin Deportivo ilə qarşılaşacaq
Bu mövsüm təzəcə yaradılmış “İçərişəhər” futbol klubu üçün ilk mövsüm olmalıdır. Azerisport.az xəbər verir ki, klub ev oyunlarını keçirəcəyi stadionu - “Bayıl Arena”nı müəyyənləşdirib, futbolçularla müqavilə imzalayıb, ancaq sənədləşdirmə ilə əlaqədar ideyanı həyata keçirmək hələ ki mümkün omayıb.
Təbii ki, heyətdə olan futbolçular müxtəlif klublara getdilər. Bunu nəzərə alan “İçərişəhər” rəhbərliyi yeni heyət toplamağa qərar verib. Bunun çün seleksiya işləri aparılacaq.
“İçərişəhər” klubunun yaradıcısı və prezidenti Ziya Əliyev komandanın planlarından danışıb:
“Hər şey sadədir: Biz hələ də böyük futbolda olmaq istəyən futbolçulara şans vermək istəyirik. 18-25 yaş aralığında hər kəs seleksiyada iştirak edə bilər. Bütün iştirakçılardan biz ən yaxşıları seçəcəyik. Gələn mövsüm birinci divizionun başlamasına qədər hazırlaşacağıq. Bunun üçün vaxtımız kifayət qədərdir. Əminəm ki, bu və ya digər səbəbdən ölkədə özünü göstərə bilməyən çoxlu futbolçu var. Hələlik seleksiya işinin dəqiq vaxtını müəyyən etməmişik. Arzu edənlər öz məlumatlarını bizim Facebook səhifəmizdə yerləşdirə bilər”.
Məşqçiyə gəlincə, bu, Vladislav Ledyaevdir.
“Ola bilər ki, bu ad çox az adama tanış gəlir. Ancaq biz Ledyaevə etibar edirik. Yeri gəlmişkən, bizə çox mütəxəssis təklif ediblər. Ancaq Avropa təcrübəsi bizi müəyyən riskə getməyə sövq etdi. Az qala həvəskar liqadan olan məşqçilərin top-klublarda məşqçi olduğuna dair çoxsaylı misallar gətirmək olar. Dortmund “Borussia”sından Yurgen Klopp, “Roma”dan Rudi Qarsiya”, deyə Əliyev fikrini bildirib.
“Biz yerli klublardan ancaq bununla fərqlənməyəcəyik. Həm də sosial layihə tapşırığını yerinə yetirəcəyik. Planlarımızda xeyriyyə oyunları keçirmək var. Klub strukturu Avropa standartlarına uyğun olacaq. Axı Avropa təcrübəsi tam olaraq özünü doğruldub. Yeri gəlmişkən, növbəti mövsümdə biz İspaniya klubu “Ellin Deportivo”nu qəbul etmək istəyirik. Onlarla yoldaşlıq görüşü keçirmək istəyimiz var. Oyun təxminən apreldə baş tuta bilər. Ümumilikdə hesab edirəm ki, Azərbaycanda belə komanda yoxdur və bu, maraqlı olacaq”.
Ziya Əliyev “İçərişəhər” dövlət tarixi-memarlıq qoruğunun rəhbərliyinə də öz təşəkkürünü bildirib.
