5 noyabr 2013 11:34
AFFA yığmamızın yeni baş məşqçisi ilə müqavilə imzaladı
Çimrəlik futbolu üzrə Azərbaycan milli komandasının baş məşqçisi vəzifəsi portuqaliyalı mütəxəssis Xose Miquel Mateusa həvalə olunub. Azerisport.az xəbər verir ki, onun qarşısına milli komandanı 2015-ci ildə Bakıda təşkil olunacaq I Avropa Oyunlarına yüksək səviyyədə hazırlamaq tapşırığı qoyulub.
Bu gün AFFA-nın inzibati binasında baş katib Elxan Məmmədovla Xose Miquel Mateus arasında görüş keçirilib. Çimərlik Futbolu Federasiyasının prezidenti Fərid Novruzinin də iştirak etdiyi görüşdə çimərlik futbolu üzrə Azərbaycan milli komandasının indiki vəziyyəti, potensialı və qarşıdakı turnirlərə hazırlıq planları müzakirə olunub. E.Məmmədov portuqaliyalı mütəxəssisə yeni işində uğurlar arzulayıb.
