5 noyabr 2013 00:41
U-12 Liqasının futbolçuları süd zavodunda (VİDEO, FOTOLAR)
“Atena U-12 Liqası”nda Füzuli rayonunu təmsil edən “Füzuli” və “Kərimbəyli” komandalarının məşqçi heyəti və oyunçuları Ağcabədi rayonunda yerləşən “Atena” süd zavodu və “Atena-Aqat Aqro” heyvandarlıq kompleksində olublar. Azerisport.az AFFA-ya istinadən xəbər verir ki, komandaların üzvlərini mehribanlıqla qarşılayan “Atena” süd zavodunun rəhbərliyi onları süd zavodundakı istehsal prosesi və fermada yaradılan şəraitlə yaxından tanış edib.
Süd zavodu və fermanının fəaliyyətini əyani şəkildə görən yeniyetmə futbolçular “Atena” süd məhsullarının keyfiyyətinə bir daha əmin olublar. Qonaqlar “Atena” süd məhsullarının insan orqanizminə, xüsusən uşaqların sağlam böyüməsinə verdiyi faydalar barədə məlumatlandırılıb. Onlara göstərilən qayğıya görə minnətdarlıqlarını bildirən futbolçular bu səfərin uzun müddət yaddaşlarından silinməyəcəyini qeyd ediblər.
Səfərin sonunda yeniyetmə futbolçulara “Atena” şirkəti adından “Atena” süd məhsulları hədiyyə olunub.
Qeyd edək ki, həyata keçirdiyi sosial layihələrlə diqqət çəkən “Atena” şirkəti oktyabr ayında AFFA ilə imzalanan müaviləyə əsasən “U-12 Liqası”na sponsurluğu öz üzərinə götürüb. "Atena U-12 Liqası”nın oyunları bölgələr üzrə mərkəzləşdirilmiş qaydada 12 rayonda təşkil olunur. 81 komandanın mübarizə apardığı turnirdə 1114 futbolçu və 109 məşqçi iştirak edir.
