4 noyabr 2013 14:55
Saşa Yunisoğlu: Qolun adıma yazılmasına təəccübləndim
“Denizlispor”un azərbaycanlı müdafiəçisi Saşa Yunisoğlu azerisport.az saytına müsahibəsində komandasının futbol üzrə Türkiyə birinci divizionunun 11-ci turu çərçivəsində keçirilmiş oyunda “Karşıyaka” üzərində 1:0 hesablı qələbəsi haqda fikirlərini bölüşüb.
Oyun haqda nə deyə bilərsiniz?
Gözlədiyimiz kimi, oyun gərgin və maraqlı alındı. Rəqib yarış cədvəlində bizimlə qonşu idi. Onlar xallar qazanmaq üçün ev qələbəsinə susamışdılar. Yaxşı dəstək onlara üstünlük verirdi.
Nəyin hesabına qalib gəlmək mümkün oldu?
Fövqəladə köklənmənin hesabına. Bütün komanda üç xalı qazanmaq üçün yüz faiz can yandırmağın vacibliyini başa düşürdü.
Maraqlıdır ki, qol əvvəlcə sizin adınıza yazıldı.
Bəli, mən özüm də yüngülcə təəccüblənmişdim. Əlbəttə, öz adımı yeganə vurukmuş qol müəllifi kimi görmək xoş olsa da, bu həqiqət deyil. Əsas odur ki, biz qalib gəldik.
Növbəti oyunda siz “Manisaspor”la üz-üzə gələcəksiniz.
Bəli, bu komanda turnir cədvəlinin üst sıralarında qərarlaşıb. Rəqib kifayət qədər güclüdür. Ancaq indi bizə təhlükəli zonadan çıxmaq lazımdır. Özü də bütün komandalar yarış cədvəlində sıx məskunlaşıb. Altıncı və on altıncı komanda arasında fərq cəmi-cümlətanı altı xaldır.
