4 noyabr 2013 00:35
Mövsümün ən məhsuldar turu
Topaz Premyer Liqasının 12-ci turu yeni rekordla yadda qaldı. Azerisport.az xəbər verir ki, ötən gün başa çatan hesabat turunda cari mövsümün ən yüksək məhsuldarlığı qeydə alınıb.
Belə ki, turun 5 oyununda qapılara 22 qol vurulub. Bu da hər oyuna orta hesabla 4,4 qol deməkdi.
Turun yalnız bir matçında - "Sumqayıt" - AZAL görüşündə hesab açılmayıb (0:0). Ən çox "Qarabağ" - "Qəbələ" oyununda qol vurulub - 7 (4:3). "Neftçi" - "Xəzər Lənkəran" (4:1), "İnter" - "Rəvan" (3:2) və "Bakı" - "Simurq" matçlarında 5 (3:2) qol vurulub.
İndiyədək ən çox 6-cı turda qol vurulmuşdu - 16. Ümumiyyətlə 12 turun 60 oyununda 146 qol qeydə alınıb ki, bu da hər matça orta hesabla 2.43 top deməkdi.
