3 noyabr 2013 17:56
Fərid Quliyevin komandasından darmadağın (YENİLƏNİB)
Futbol üzrə Türkiyə PTT Birinci Liqasında 11-ci turun oyunları keçirilib. Azerisport.az xəbər verir ki, azərbaycanlı futbolçu Fərid Quliyevin çıxış etdiyi “Kahramanmaraşspor”, eləcə də Andrey Popoviçlə Usim Ndukanın komandası “Tavşanlı Linyitspor” da bu gün növbəti matçına çıxıb.
Futbolçularımızın komandaları bir-biri ilə üz-üzə gəlib. Cari mövsümü çox uğursuz keçirən "Kahramanmaraşspor" nəhayət bu görüşdə ilk qələbə sevincini yaşayıb.
Azərbaycanlı oyunçuların bu matçda meydana çıxıb-çıxmayacaqları maraqla gözlənilirdi. Fərid uzun fasilədən sonra bu görüşün iştirak ərizəsində yer alsa da, meydana çıxmaq şansı qazanmayıb və komandasının zəfərini kənardan izləyib. Usim Nduka ilə Andrey Popoviç isə ümumiyyətlə matçın protokolunda yer almayıb.
Qeyd edək ki, “Kahramanmaraşspor” geridə qalan turlarda cəmi 5 xal toplayıb və 18-ci pillədə qərarlaşıb. “Tavşanlı Linyitspor” isə 8 xalla 16-cıdı.
Türkiyə PTT Birinci Liqası
11-ci tur
3 noyabr
Kahramanmaraşspor - Tavşanlı Linyitspor - 4:1
