1 noyabr 2013 11:15
Neftçi revanş götürəcək, Qarabağ Qəbələni məğlub edəcək
Futbol mütəxəssisi Oqtay Abdullayev futbol üzrə Topaz Premyer Liqasının 12-ci turu çərçivəsində keçiriləcək oyunların proqnozu barədə fikirlərini azerisport.az saytı ilə bölüşüb.
BAKI - SİMURQ
Hər iki komandanı çətin oyun gözləyir. Hər ikisi yaxşı komandadır. “Bakı” son vaxtlar öz oyununu tapdığını nümayış etdirir. “Simurq” isə güzəştsiz komanda olduğunu göstərib. Düşünürəm ki, heç-heçə olacaq.
İNTER - RƏVAN
Aydındır ki, “İnter” ev oyununda qələbə qazanmağa can atacaq. Ancaq mən istərdim ki, Şahin Diniyev “Rəvan”da ilk qələbəsinə nail olsun. Buna baxmayaraq, təxmin edirəm ki, burada biz heç-heçə görəcəyik.
NEFTÇİ - XƏZƏR LƏNKƏRAN
Bu çox “böyük oyun” olacaq. “Neftçi”nin baş məşqçisi hər şeyi yaxşıya doğru dəyişmək istəyən Nazim Süleymanovdur. Super Kubokda məğlubiyyətdən sonra “Neftçi” qələbə istəyində olacaq. Düzdür, son görüşdə ajiotajın futboldan çox olduğunu deyərdim. Təxmin edirəm ki, “neftçi” revanş götürəcək.
SUMQAYIT - AZAL
Bu oyunda nə baş verəcəyini demək çətindir. Hər iki komanda son turlarda məğlub olub. Ancaq mən yenə də hesab edirəm ki, AZAL üç xalı qazanacaq.
QARABAĞ - QƏBƏLƏ
"Qarabağ"ın çox nizamlı oyunu var. Onlar topla əla davranır və tipu özlərində yaxşı saxlayırlar. Onlar həmişə belə oynayıblar. Ancaq “Xəzər Lənkəran”la son oyun göstərdi ki, onlar irəliyə doğru keyfiyyətli addım atıblar. “Qəbələ”nin hazırda müdafiə ilə bağlı problemləri var. Buna baxmayaraq, çox güclü hücum xətti də var. Mən deyərdim, hətta ən güclü. Ancaq orta xəttə, xüsusilə müdafiədəki problemlər Yusi Syominin komandasına özünü tam ifadə etməyə imkan verməyəcək. Hesab edirəm ki, “Qarabağ” qələbə qazanacaq.
