1 noyabr 2013 18:05
Milinko Pantiç: Hakimlər haqda danışmamaqla bağlı Hafiz Məmmədova söz vermişəm
Bu gün “Bakı” 12-ci tur çərçivəsində “Simurq”u qəbul etdi. Azerisport.az xəbər verir ki, paytaxt klubu ardıcıl iki heç-heçədən sonra qələbəyə sevindi.
“Bakı”nın baş məşqçisi Milinko Pantiçin “Simurq”la oyundan sonra fikirlərini açıqlayıb: “Çox çətin və emosional oyun oldu. Hesabı açsaq da, qol buraxıb fasiləyə bərabərliklə yollandıq. Amma ikinci yarıda yetirmələrim qarşılaşmanı öz xeyrimizə dəyişə bildi. Ardıcıl iki heç-heçədən sonra bu qələbə hava, su kimi lazım idi. Biz məşqçi işi görünən, yaxşı təşkil olunmuş komandaya qarşı döyüşdük. Bu gün Rauf Əliyev, Əfran İsmayılov bir daha əsas heyətdə oynamağa layiq olduğunu isbatladı. Komandam bu qələbədən sonra yüksək əhval-ruhiyyə ilə “Neftçi” ilə oyuna hazırlaşacaq”.
Bu gün “Bakı”nın ən yaxşısı Elxan Əhmədov oldu. Çünki o verilən bütün tapşırıqları layiqincə yerinə yetirdi. Səhv etməsi normaldı. Azərbaycan gələcəkdə ondan istifadə edə bilər. Neyləyim, Elxanı atım əvəzedici heyətə, onda nə olacaq? Görüşdən öncə klub prezidenti Hafiz Məmmədovla söhbət edərkən hakimlər haqda danışmayacağımı bildirdim. Odu ki, bu haqda mənə sual verməyin”.
