1 noyabr 2013 13:25
Kazbek Tuayev: Bu Böyük oyunu kimin üçün keçirirlər?
AFFA İcraiyyə komitəsinin üzvü Kazbek Tuayev azerisport.az saytına müsahibəsində futbol üzrə Topaz Premyer Liqasının 12-ci turu çərçivəsində keçiriləcək “Neftçi” - “Xəzər Lənkəran” görüşü haqda fikirlərini bildirib.
İlk növbədə mütəxəssis AFFA Nizam-intizam komitəsinin azarkeşlərlə bağlı mövqeyi barədə öz nöqteyi-nəzərini açıqlayıb: “Futbol tamaşaçılar üçündür. Bu, oyun yaranan gündən ümumi qəbul edilmiş normadır. Başa düşürəm ki, yeni qanunlar var. Axı arzuolunmaz ünsürləri hər hansı başqa üsulla aradan qaldırmaq olar. Digər tərəfdən, qorxulu heç nə baş verməyib. Kişilər futbola enerji atımı etmək üçün gəlir, burda nə var, nə olsun ki? Hətta UEFA və FIFA stadionları cəzalandırmaqdan maksimum yan ötməyə çalışırlar. Axı futbolda azarkeşlər olmalıdır”.
“Böyük oyunu kimin üçün keçirirlər?”, deyə Tuayev sual edib. “Bu oyunda nə maraq olacaq? “Neftçi” - “Xəzər Lənkəran” kimin üçün oynayacaq? Futbolçulara yarıboş tribunalar önündə xoşagəlməz olacaq. Ən yaxşı halda belə olacaq”.
Oyuna gəlincə, Tuayev 100 faiz əmindir ki, “Neftçi” qalib gələcək: “Onlar indi üstün görünürlər. Hətta asan qələbəni təxmin edirəm.
“həm də Naizm Süleymanova uğur arzulamaq istəyirəm. Bu posta onu təyin etməklə rəhbərlik düzgün qərar verdi. O, yaxşı oğlan və yaxşı məşqçidir”.
Xatırladaq ki, “Neftçi” - “Xəzər Lənkəran” görüşü ŞƏnbə günü “Bakcell Arena”da keçiriləcək.
