31 oktyabr 2013 19:50
Vaqif Sadıqov: Neftçi revanş istəyində olacaq
Futbol mütəxəssisi, AZAL-ın baş məşqçisi Vaqif Sadıqov futbol üzrə Topaz Premyer Liqasının 12-ci turu çərçivəsində keçiriləcək Böyük oyun - “Neftçi” - “Xəzər Lənkəran” görüşü barədə fikirlərini azerisport.az saytına bildirib.
“Bu komandalar arasında keçirilən oyunlar həmişə gərgin və prinsipial axarda keçir. “Neftçi”nin Super Kubokun finalında “Xəzər Lənkəran”a məğlubiyyətini nəzərə alsaq, onlar revanş istəyində olacaqlar. Bundan başqa, yeni baş məşqçi Nazim Süleymanovun rəhbərliyi altında onlar hər oyunda qələbə qazanmaq istəyirlər və bu oyun da istisna deyil. Hər hansı xal itkisi isə “Neftçi”nin lider “Qarabağ”dan daha da geri qalması ilə nəticələnə bilər”.
