28 oktyabr 2013 16:20
Samir Abasov: Sumqayıtda vaxt keçirən adamlar var
“Sumqayıt” futbol klubunun yarımmüdafiəçisi Samir Abasov azerisport.az saytına müsahibəsində komandasının Topaz Premyer Liqasının yarış cədvəlində son pilləni tutması haqda fikirlərini bildirib.
Siz son turda “Qəbələ”yə qarşı oyuna çıxmadınız?
Bu, məşqçi qərargahının qərarı idi
Bu nə ilə bağlı idi?
Düzü, səbəb mənim yararlı idman formasında olmamağımdı.
Sizinlə ya Sizsiz, ancaq “Sumqayıt” sonuncu yerdədir. Səbəbi?
Günah futbolçularındı. Sonuncu yer – onlarının oyununun nəticəsidir. Oyunçuların nə haqda düşündüyünü bilmirəm. Onlar özlərinin və komandanın gələcəyi haqda düşünürlərmi? Hər oyunçudan ayrılıqda soruşmaq lazımdır. Yəqin ki, bizdə həqiqətən komanda haqda düşünən oyunçular azdı. Bu, mənim fikrimdi. Bu günlə yaşayan adamlar az deyil.
Demək, “Sumqayıt”da sadəcə vaxt keçirən adamlar var?
Ad çəkib su bulandırmaq istəmirəm, ancaq belə adamlar var. Beş-altı futbolçunun icarə əsasında çıxış etdiyi komandada oynamaq çətindir. Üç aydan sonra komandadan gedəcəyini bilən futbolçu, nəticə üçün qatlanacaq? Məsələn, bu məsəl Slavik Alxasova aid deyil. Bu adam meydanda tamamilə can qoyur. Meydandan qan-tər içində çıxır. Ancaq başında futboldan başqa nə desən olan futbolçular var. Məhz bu səbədən belə futbolçular 25-26 yaşlarında karyeralarını baş vurur.
Belə axarda komandanız mövsümü sonuncu yerdə bitirə bilər.
Vəziyyət ürəkaçan deyil. Ancaq çıxılmaz deyil. Biz hər şeyin öhdəsindən özümüz gələ bilərik. Qışa qədər tab gətirmək lazımdır. Elə etmək lazımdır ki, qışa qədər rəqiblərlə arada olan fərq faciəvi olmasın. Qış fasiləsindən sonra nə isə dəyişə bilər. Bu zaman hər şey daha çox rəhbərlikdən asılıdır. Çünki komandaya dəyişikliklər lazımdır.
