25 oktyabr 2013 18:10
Nazim Süleymanovun 11 ifadəsi
Azerisport.az “Neftçi”nin yeni baş məşqçisi Nazim Süleymanovun Azərbaycan futbolu ilə bağlı 11 ən yaddaqalan ifadəsini oxuculara xatırladır.
Beləliklə:
Onda mənim 8 ilini “Neftçi”də keçirdiyim 25 yaşım vardı. Ancaq klub rəhbərliyi qərara aldı ki, mən artıq komandaya lazım deyiləm. Süleymanovun guya oyunlara can qoymaması ilə bağlı söz-söhbətlər yayıldı, mənə çatacaq maşını mənə vermədilər. Onda bazaya Quran gətirdim və dedim: “Mən onsuz da komandada olmayacağam. İstəyirəm ki, Qurana əl basıb nədə haqsız olduğumu mənə deyəsiniz. Kimsə yaxın gəlmədi”. (2007. 1990-cı ildə “Neftçi”dən gedişi barədə, Qazaxıstan KİV-nə müsahibəsindən)
Biz pul üçün deyil, Vətənimiz və nüfuzumuz üçün oynayırıq. (2013. DÇ-2014-ün seçmə mərhələsi çərçivəsində Rusiya yığmasına qarşı keçirilmiş oyundan öncə, azerisport.az)
Mahir Şükürovun Frankfurta getməyini istəmirəm. (2009. DÇ-2010-un seçmə mərhələsi çərçivəsində Lixtenşteyn yığmasına qarşı keçirilmiş oyun ərəfəsində, azerisport.az)
Düşünürdüm ki, yığma üçün hər bir şərait yaradılacaq, ancaq çox yanılırdım. (2013. Bakıda hərbçilər arasında keçirilmiş dünya çempionatı ərəfəsində, azerisport.az)
Mahir Şükürova qarşı azarkeşlik edəcəyəm. (2010. Rusiya çempionatı çərçivəsində “Alaniya” və “Anji” arasında keçirilmiş oyunda kimə azarkeşlik edəcəyi suala cavabı, azerisport.az)
Biz indi Xəzər Lənkərana azarkeşlik edəcəyik. Burada anlaşılmaz heç bir şey yoxdur (2011. AZAL-ın avrokuboklara düşmək şansları barədə düşünərkən, azerisport.az)
“Minsk”i keçməsək, AZAL-da qalmağımın mənası yoxdur. (2011. Avropa Liqası çərçivəsində Belorus klubuna qarşı cavab görüşü ərəfəsində, azerisport.az)
Məgər “Neftçi”nin futbolçuları öz güclərinə inanmır? (2012. İqor Mitreskinin “Neftçi”nin Avropa Liqasındakı uğurlu çıxışını yaxın beş ildə heç bir komandanın təkrar edə bilməyəcəyi haqda sözlərinə verdiyi şərh, azerisport.az)
Lənkəranlı azarkeşlər “Neftçi”nin çempionluğuna hazır olmalıdırlar. (2012. “Neftçi”nin öz çempionluğunu Lənkəranda rəsmiləşdirə biləcəyinin nəzəri mümkünlüyü haqda)
Petrjela və Demyanenko “Neftçi”də öz izini qoyublar. (2012. “Neftçi”nin sabiq məşqçiləri haqda, Rusiya KİV-nə müsahibəsindən)
Dünən Kamran Ağayevlə görüşdüm. O, dedi ki, heç kim ona diqqət etmir. (2012. Qapıçı ilə “Xəzər Lənkəran” arasında münaqişə barədə, azerisport.az)
