24 oktyabr 2013 16:55
Yuri Syomin: Ümid edirəm ki, gələn mövsüm Qəbələ Super kubok oyununda oynayacaq
“Qəbələ”nin baş məşqçisi Yuri Syomin azersport.az-a müsahibəsində futbol üzrə ölkə Super kuboku uğrunda oyunun keçirilməsindən danışıb.
“Super kubok hər ölkədə keçirilir. Yaxşı ki, Azərbaycanda onun keçirilməsini yenilədilər. Belə oyun çox vacibdir. Oyunun nə vaxt keçirilməsi başqa mövzudur. Mən mövsümün əvvəlinin tərəfdarıyam. Gələn il belə bir oyunda oynamağımıza ümid edirəm. Oyunun Naxçıvanda keçirilməsinə gəlincə, funksionerlər bunu daha yaxşı bilər. Niyə bütün oyunlar Bakıda keçirilməlidir? Paytaxtda oyuna az adam gəlir. Ancaq əyalətlərdə oyuna gələnlər daha çoxdur. Buna görə də Naxçıvan - düzgün qərardır”.
