24 oktyabr 2013 14:15
Con Toşak: Xəzər Lənkəran məğlub olsaydı, mətbuat konfransına gəlməzdim
Ölkə Super kuboku uğrunda oyundan sonra mətbuat konfransında iştirak etmək üçün jurnalistlər və baş məşqçilər 200 metr məsafə qət ediblər. Azerisport.az xəbər verir ki, təşkilatçılar tərəflərin sualları stadiondan bir qədər aralı Üzgüçülük mərkəzinin binasında cavablamasını lazım biliblər.
Siz nə vaxtsa mətbuat konfransında iştirak etmək üçün bu qədər məsafə qət etmişiniz?
Yox. Birbaşa deyim: əgər mənim komandam uduzsaydı, mən çətin ki, gələrdim. Yeri gəlmişkən, oyunumuz sizə xoş gəldi?
Naxçıvanı çətin ki futbol şəhəri adlandırmaq olar. Muxtar vilayətin paytaxtına ölkənin üç ən güclü klubundan ikisi gəlmişdi. Ancaq stadion yarısına qədər dolmuşdu. Bu kütlənin də yarısını əksəri ştat geyimində olan hüquq-mühafizə orqanlarının işçiləri təşkil edirdi.
Yerli azarkeşlər oyuna qədər kimə azarkeşlik edəcəklərini müəyyən etməmişdilər. Lənkəranlılar bu vaxt ərzində boş durmayıb azarkeşlərə öz bayraqlarını paylamışdılar. Bir neçə yeni bişmiş “lənkəranlı” öz rəmzlərini tullayaraq onları göz görə-görə əzib “neftçilər”in rəmzləri dalınca qaçdılar.
Tibbi xidmət maşını ilə anlaşılmazlıq baş verdi. “Neftçi”nin müdafiəçisi Karlos Kardosonu xəstəxanaya aparandan bir neçə dəqiqə sonra “Xəzər Lənkəran”ın oyunçusu zədələndi. Meydanda ikinci maşın yox idi. Çağırışa iki “ambulans” maşını gəldi və qaçış cığırında bir-birinə girdilər. Azarkeşlər nəinki futbol gördülər, hətta doyunca güldülər.
Əlbəttə, “Xəzər Lənkəran” oyunçularının sevincini qeyd edək. Vaxtı ilə İspaniya və UEFA Super kubokunu qazanmış Toşak kisəsinə daha bir qənimət əlavə etdi. Ancaq belə təsəvvür yaranırdı ki, bu ən azı dünya kubokudur.
