23 oktyabr 2013 16:44
Karlos Kardoso xəstəxanalıq oldu
Futbol üzrə Azərbaycan Super Kuboku uğrunda “Xəzər Lənkəran” və “Neftçi” klubları arasında keçirilən qarşılaşmada paytaxt klubunun legioneri Karlos Kardoso xoşagəlməz aqibətlə üzləşib. Azerisport.az xəbər verir ki, müdafiəçi matçın sonlarında rəqib oyunçu Etame Mbilla ilə toqquşmada ciddi zədə alıb.
Bir müddət həkimlər ona meydanda tibbi yardım göstərsə də, bu, onun oyunu davam etdirməsi üçün yetərli olmayıb. Əksinə, baş nahiyəsindən zədələnən Kardosonun dərhal xəstəxanaya aparılmasına ehtiyac duyulub. Təcili tibbi yardım maşını ilə arenadan çıxarılan Kardoso ilə birgə klubun vitse-prezidenti Tahir Süleymanov da xəstəxanaya yollanıb.
İlkin ehtimala görə, Kardoso kəllə-beyin travması alıb.
