22 oktyabr 2013 14:12
Mövsümdə 2-ci avtoqol
Topaz Premyer Liqasının 10-cu turunun “Sumqayıt” – “Qarabağ” oyununda avtoqol qeydə alındı. Azerisport.az xəbər verir ki, meydan sahiblərinin qapıçısı Anar Nəzirov topu öz qapısından keçirdi.
Qolkiperdən istiqamətini dəyişən topun qapıdan keçməsinin avtoqol kimi hesaba alınması ilə mövsümdə 2-ci avtoqol rəsmiləşdi.
İlk belə hadisə də məhz “Sumqayıt”ın ev oyununda qeydə alınmışdı. 9-cu turun “İnter”lə görüşündə Adil İbrahimov “fərqlənmişdi”. Nəzirov “Sumqayıt”ın tarixində öz qapısına qol vuran 4-cü futbolçu oldu. “Qarabağ” isə ölkə çempionatlarında 9-cu dəfə rəqibin qoluna sevindi.
Qeyd edək ki, 1992-ci ildən bunadək ölkə çempionatlarında heç vaxt qapıçı avtoqol müəllifi olmamışdı. Qeydə alınan 118 avtoqoldan heç birinin müəllifi qapıçı deyildi. Öz qapısına qol vuran ilk qolkiper kimi Premyer Liqa tarixinə düşən Nəzirov ümumilikdə 119-cu avtoqolu gerçəkləşdirdi. (PFL)
