21 oktyabr 2013 15:33
Anar Nəzirov: Hakimin qərarı sadəcə gülməlidir
“Sumqayıt” futbol klubunun qapıçısı Anar Nəzirov azerisport.az-a müsahibəsində futbol üzrə Topaz premyer-liqasının 10-cu turu çərçivəsində “Qarabağ”a qarşı keçirilmiş oyunun nəticəsi (0:3) haqda şərh verib.
“Bu cəfəngiyatdır. Bu qolu avtoqol kimi necə hesaba almaq olardı? Bunu necə başa düşək? Belə olan halda bütün qollar qapıçıların ayağına yazılmalıdır. Axı demək olar ki əksər toplar qapıya qapıçıya toxunaraq daxil olur. Dirəkdən dönən top mənə sadəcə toxundu. Hakimin qərarı sadəcə gülməlidir”.
Qeyd edək ki, ilkin məlumatda bu qol Muarem Muaremin ayağına yazılsa da, sonra Nəzirovun avtoqolu kimi qeydə alınıb.
