19 oktyabr 2013 11:05
Topaz Premyer Liqası, 10-cu tur: Aslan Kərimovun proqnozu
Azərbaycanın futbol üzrə U-16 yığmasının baş məşqçisi Aslan Kərimov azerisport.az saytına müsahibəsində Topaz Premyer Liqasının 10-cu turunun oyunları ilə bağlı proqnozlarını açıqlayıb.
Neftçi – Rəvan
“Rəvan”a Şahin Diniyevin timsalında təzə “qan” gəlib. Amma onun hələ xüsusi nəsə dəyişə biləcəyi vaxtı olmayıb. Ona görə də bu komandanın oyununda böyük dəyişiklik gözləməyə dəyməz. “Neftçi”nin qalib gələcəyini düşünürəm.
Simurq – Xəzər Lənkəran
Simurq – Xəzər Lənkəran
Mənə elə gəlir ki, “Xəzər Lənkəran”ın uğur qazanmaq şansı daha çoxdu. Ona görə ki, oyunçuları daha hazırlıqlıdılar. Yığma üzvləri də yaxşı əhval-ruhiyyədə qayıdıblar. Mənə elə gəlir ki, cənublular minimal hesabla qalib gələcəklər.
Sumqayıt – Qarabağ
“Qarabağ” indi əla vəziyyətdədi. Bu komanda liderliyini qorumağa çalışacaq. “Sumqayıt” isə hələ də axtarışdadı, gənclərdən ibarət komandadı. Fikrimcə, məhz təcrübə “Qarabağ”a üç xal qazandıracaq.
“Qarabağ” indi əla vəziyyətdədi. Bu komanda liderliyini qorumağa çalışacaq. “Sumqayıt” isə hələ də axtarışdadı, gənclərdən ibarət komandadı. Fikrimcə, məhz təcrübə “Qarabağ”a üç xal qazandıracaq.
Bakı – AZAL
“Bakı” öz evində həmişə yaxşı oynayır. Məncə, Milinko Pantiçin komandası bu oyunda da lazım olan nəticəni qazanacaqlar. “Bakı” AZAL-a qalib gələcək.
İnter – Qəbələ
Bu oyuna proqnoz vermək çətindi. “İnter” tədricən yaxşı çıxış etməyə başlayıb. “Qəbələ” isə liderliyini son turda əldən verib. Ona görə hər iki komanda qələbəyə oynayacaq. Amma mən heç-heçə qeydə alınacağını düşünürəm.
