18 oktyabr 2013 13:11
Nikolov: Foqtsla müqaviləni daha bir seçmə mərhələyə qədər artırmaq lazımdı
Bakının “İnter” klubunun prezidenti Georgi Nikolov AFFA ilə müqaviləsi bu ilin sonunda başa çatacaq Berti Foqtsla müqavilənin artırılmasına dair fikrini bildirib. Azerisport.az saytına müsahibəsində o, bunları söyləyib:
“Əgər AFFA İcraiyyə komitəsi Berti Foqtsu yığmanın sükanı arxasında saxlamaq qərarını qəbul etsə, bu, düzgün qərar olacaq. Azərbaycan futbolunun ən zəif cəhəti mütəmadi məşqçi dəyişiklikləridi. O, qalmalı və işini başa çatdırmalıdı. Ancaq son bu mərhələnin yekunlarından yaxşı olacaq. Növbəti seçmə mərhələni Azərbaycan yığması ikinci, üçüncü yerdə tamamlaya bilər. Bu mərhələdə yığma itirməyə biləcəyi nə qədər xal itirib. Yığma təkcə Lüksemburqla oyunlarda dörd xal çox qazana bilərdi. Əgər bu müvəffəqiyyətsizliklərə yol verməsək, görün nə qədər xal yığmaq olar. Azərbaycan yığması öz simasını alıb. Rəqiblər artıq Foqtsun komandasından çəkinirlər. Almanını dövründə yığma oynadı. Bəli, elə təsəvvür var ki, onun xidmətləri elə də böyük deyil, amma mən hesab edirəm ki, daha bir mərhələyə qədər onunla müqaviləni artırmaq lazımdı”.
