18 oktyabr 2013 12:35
Syomin: Elnurla Vladimirə Rusiyaya qarşı yaxşı oyna görə təşəkkür etdim
“Qəbələ”nin baş məşqçisi Yuri Syomin azerisport.az saytına müsahibəsindəTopaz premyer-liqasının 10-cu turunda “İnter”ə qarşı keçiriləcək oyundan danışmaqla yanaşı, dünya çempionatını seçmə mərhələsi çərçivəsində keçirilmiş Azərbaycan - Rusiya oyunu (1:1) barədə fikirlərini bölüşüb.
Premyer-liqanın ikinci dövrəsinə hazırlıq necə gedir?
Yığmanın oyunçuları olmayan vaxtı artıq geridə qoymuşuq. Kluibların hər biri hazırlıq dövrünü müxtəlif keçirdi. Məsələn, “İnter” Gürcüstanda hazırlaşırdı, biz isə Qəbələdə. Müəyyən istirahətə ehtiyac duyan yığma oyunçuları artıq geri dönüblər. Hazırlıq adi qaydada keçdi. Yığma komandanın toplanışlarından sonra olduğu kimi.
Bəs kim daha hazırdı?
Deyə bilmərəm. Rəqibimiz son turlarda yaxşıdan da yaxşı oynayır. Yaxşı nəticələr göstərir. Onlar yaxşı fiziki vəziyyətdədirlər.
Bu, sizin tapşırıqlarınızı çətinləşdirir?
Asan oyun olmayacaq. Buna baxmayaraq biz hə oyundan qabaq olduğu kimi qarşımıza qalib gəlmək tapşırığı qoyuruq. Düzdür, bu, hər oyunda alınmır, ancaq biz bunun üzərində işləyirik.
Yeri gəlmişkən, dünya çempionatını seçmə mərhələsi çərçivəsində keçirilmiş Azərbaycan - Rusiya oyununda meydana sizin iki yetirməniz çıxmışdı.
Elnur Allahverdiyev və Vladimir Levin bu oyunu uğurlu keçirdilər. Komandasına yaxşı nəticə qazanmağa kömək etdilər.
Toplanışlardan sonra onlarla danışmışınız?
Bəli, müəyyən danışıq olub. Onlara bu oyunu yaxşı keçirdiklərini deyib təşəkkür etdim.
Ölkənin futbol ictimaiyyəti iki yerə bölünüb: bir qisim Berti Foqtsun qalmasını istəyir və onunla müqavilənin artırılmasının tərəfdarıdırlar, kimsə isə onun gedişini tələb edir. Bu haqda nə düşünürsünüz?
Hər hansı tərəfi dəstəkləməyəcəyəm. Mən bunu şərh etmək istəmirəm. Mənə aid olmayan nəsə barədə heç nə deyə bilmərəm.
