16 oktyabr 2013 19:15
Şahin Diniyev: Səmədova qarşı azarkeşlərin hərəkəti məni çox təəssüfləndirdi
Futbol üzrə Azərbaycan milli komandasının sabiq baş məşqçisi, “Rəvan”ın çalışdırısıcı Şahin Diniyev DÇ-2014-ün seçmə mərhələsi çərçivəsində ötən gün keçirilmiş Rusiya ilə oyunla bağlı fikirlərini açıqlayıb. Azerisport.az saytına müsahibəsində o, 1:1 hesablı heç-heçə ilə bağlı bunları söyləyib:
“Milli komandanı təbrik edirəm. 2 oyuna 4 xal qazanmaq yaxşı nəticədi. Sadəcə azarkeşlərin Səmədova qarşı hərəkəti məni çox təəssüfləndirdi. Ola bilər mətbuata fikrini düz çatdırmayıb, ola bilər onu düz başa düşməyiblər. İstənilən halda Rusiya yığmasının heyətində oynayan azərbaycanlını dünya çempionatına elə yol salmalı deyildik. İndi o biz barədə nə düşünəcək? Səmədov azərbaycanlıdı, onun Braziliyada oynayacağı bizləri sevindirməlidi.Tribunaların futbolçuya əşya atması canlı olaraq bir neçə ölkədə göstərildi. İndi bizim azarkeşlər haqda da başqa cür fikirlər yayılacaq. Biz öz qonaqpərvərliyimizi göstərməliydik”.
