15 oktyabr 2013 13:50
Ramin Musayev: Mükafat haqda söhbət ola bilməz, bizim bu qədər pulumuz yoxdu
Peşəkar Futbol Liqasının prezidenti Ramin Musayev Rusiya üzərində qələbə müqabilində azərbaycanlı futbolçuların yüz min manatlıq mükafat alacağı barədə informasiyanı təkzib edib. Azerisport.az xəbər verir ki, o, bunları söyləyib:
“Rusiya ilə oyunun hədsiz prinsipiallığı, hər hansı ədavətlə bağlı şayiələr çox şişirdilib. Biz rusiyalılara böyük hörmətlə yanaşırıq. Onların təəssüratlarını bölüşürük və çox şadıq ki, dünya çempionatının bir addımlığındadılar. Ona görə də prinsipiallıq yalnız futbol meydanı hüdudlarında qalacaq. Yüz min manatlıq mükafat barədə şayiələri KİV yayıb, biz yox. Bu məbləğ barədə söhbət gedə bilməz, bizim bu qədr pulumuz sadəcə yoxdu. Ancaq qələbə təqdirində mükafatlar nəzərdə tutulub. Burda qəribə nə var ki? Bu, adi ümumdünya təcrübəsidi".
