15 oktyabr 2013 13:30
Vüqar Nadirov: Millimizin şansları haqda danışmaq istəmirəm
Futbol üzrə Azərbaycan yığmasının hücumçusu Vüqar Nadirov azerisport.az saytına müsahibəsində dünya çempionatının seçmə mərhələsi çərçivəsində Azərbaycan - Rusiya oyunu ilə bağlı fikirlərini bildirib.
Cümə gününün nəticəsi Rusiya yığmasına qarşı hazırlıq planına necə təsir göstərəcək?
Şimali İrlandiya üzərində qələbə Rusiya ilə oyuna psixoloji təzyiqsiz, bir qədər sakit hazırlaşmağa imkan verəcək. Amma taqətsiz yox.
Ruslarla oyuna güc hələ qalıb?
Bəli. Şimali İrlandiya ilə oyuna az güc sərf edilmədi. Amma Rusiya ilə oyuna hazırlıq vaxtımız var. Biz bundan istifadə edəcəyik.
Azərbaycanın uğur şanslarını necə qiymətləndirirsiniz?
Şanslar haqda danışmaq istəmirəm. Sadəcə qeyd edim ki, bacardıqca yaxşı nəticə əldə etməyə cəhd edəcəyik.
Bu mərhələdə ilk qələbə sonuncudan əvvəlki oyuna təsadüf etdi. Bu barədə nə deyərdiniz?
Hamımız bu qələbəyə şadıq. Komanda bu nəticəyə can atırdı və xşbəxtlikdən buna nail olduq. Qələbəni Azərbaycan xalqına həsr edirəm.
Nə üçün birinci hissədə yığma inamsız görünürdü?
Bəli, birinci hissədə biz ən çox müdafiə ilə məşğul idik. Ancaq fasilədən sonra oyunun gedişini öz xeyrimizə dəyişə bildik.
Şimali İrlandiya yığması Bakıda Belfastdakından nə qədər fərqlənirdi?
Rəqib ev oyununda olduğu kimi fəaliyyət göstərirdi. Hücum edir, qol vurmağa çalışırdılar. Xüsusən birinci hissədə. Sonra biz oyunumuzu qurub üç xal əldə etdik.
