Boks yığmamızın Avropa çempionatına gedəcək heyəti açıqlandı

Mayın 15-də Ukraynanın Lvov şəhərində boks üzrə yeniyətmələr arasında Avropa birinciliyi start götürəcək. Azerisport.az xəbər verir ki, OİK-in “Velotrek” Kompleksində keçiriləcək yarışda idmançılar 13 çəki dərəcəsində güclərini sınayacaq.

Komandamız qitə çempionatında baş məşqçi Rasim Məmmədov,  məşqçilər Elbrus Rzayev, Təvəkkül Məmmədov və Hüseyn Bağırovun rəhbərliyi altında 12  boksçu ilə təmsil olunacaq. Ukraynaya gedənlər arasında ötən ilki Avropa birinciliyinin gümüş mükafatçısı Bəxtiyar Qazıbəyov (60 kq) və bürünc medalın sahibi Məhəmməd Abdullayev də (+80) var. Xatırladaq ki, komandamız ötən il Rusiyanın Anapa şəhərində keçirilən yeniyetmələr arasında qitə çempionatında 1 qızıl, 1 gümüş və 4 bürünc qazanıb. Yeniyetmə boksçularımız son hazırlıq turniri kimi Şağan Olimpiya Kompleksində Ümumilli lider Heydər Əliyevin xatirəsinə həsr olunan yarışda mübarizə aparıblar. Hakim kimi ölkəmizi Ukraynada Emil Qurbanəliyev təmsil edəcək.

46 kq. Kənan Əliyev 
48 kq. Cavid Hüseynov
50 kq – Seyidrza Sadıqov 
52 kq – Niyaməddin Allahverdiyev
54 kq – Orxan Həsənov
57 kq – Elton Məmmədov
60 kq – Bəxtiyar Qazıbəyov 
63 kq – Turan Sadıqov 
66 kq – Elgün Abdullayev 
70 kq – Şaiq Məlikov 
75 kq – Kənan İsmayılzadə 
+80 kq – Məhəmməd Abdullayev