30 may 2014 15:40
Fariz Məmmədov revanşa can atır
Azərbaycanı və "Qəbələ" İdman Klubunu peşəkar rinqdə təmsil edən Fariz Məmmədov alman Matias Pelklə iyunun 7-də Almaniyada baş tutacaq revanş döyüşündən öncə mətbuat konfransı keçirəcək. Azerisport.az xəbər verir ki, peşəkar boksçumuz sabah saat 12:00-da Qəbələdə "Karvansaray" oteldə jurnalistlərin önünə çıxacaq.
Qeyd edək ki, Fariz Məmmədovla Matias Pelk ötən ilin dekabrında Qəbələdə üz-üzə gəlmişdi. Təmsilçimiz ağır zədə səbəbindən yarışı yarımçıq dayandırmış və texniki məğlubiyyət almışdı. Buna əsas səbəb Farizin hələ döyüşdən əvvəl qabırğasının sınması olmuşdu. Bu dəfə tərəflər revanş matçında münasibətlərinə aydınlıq gətirəcəklər.
(Klub saytı)
