8 yanvar 2014 00:11
Fariz Məmmədov revanş müqaviləsi bağladı
Azərbaycanı və "Qəbələ"ni peşəkar rinqdə təmsil edən Fariz Məmmədovun almaniyalı Mattias Pelklə revanş döyüşü rəsmiləşib. Azerisport.az xəbər verir ki, qarşılaşma ilə əlaqədar Almaniyada hər iki boksçu arasında müqavilə imzalanıb.
Döyüşün vaxtı dəqiqləşməsə də, keçiriləcəyi yer məlumdur: Almaniya. Müqavilə imzaladıqdan sonra Məmmədov zədəsinin bərpası və təlim-məşq məqsədilə Türkiyəyə yollanıb.
Xatırladaq ki, ötən ay Fariz Məmmədovla Mattias Pelk arasında Qəbələdə baş tutan WBO və İBF versiyasının Avropa kəməri uğrunda döyüşdə idmançımız səkkizinci raundda döyüşün yarımçıq saxlamaq məcburiyyətində qalmışdı. Buna əsas səbəb kimi, Fariz Məmmədovun hələ döyüşdən əvvəl bir qabırğasının sınması göstərilir.
(Klub saytı)
