22 dekabr 2013 00:25
Yeddi boksçumuz yarımfinalda
Rusiyanın Xantı-Mansiysk şəhərində boks üzrə Neft Ölkələrinin Dünya Kuboku yarışı davam edir. Azerisport.az xəbər verir ki, yarışın növbəti günündə Azərbaycan idmançılarından beşi növbəti mərhələyə vəsiqə qazanıb.
60 kq çəki dərəcəsində mübarizə aparan Nəsrəddin Məmmədov moldobalı Vadim İvanyuku mübarizədən kənarlaşdırıb – 3:0. Boksçumuz növbəti mərhələdə yerli idmançı Ruslan Kamilovla qaşılaşacaq. 64 kq çəki dərəcəsində Azrəbaycanı təmsil edən iki boksçu 1\4 finalda üz-üzə gəlib. Lorenso Sotomayor Fərid İsmayılovu məğlub edərək, yoluna davam edir – 2:1. Sotomayorun növbəti rəqibi yerli boksçu İnşallah Alışov olacaq. Tural Əhmədov (56 kq) yarışa qələbə ilə başlayıb. Həmyerlimiz Latviya təmsilçisi Dimitrius Qutmans üzərində qələbə qazanıb – 3:0. Əhmədov yarımfinalda Qırğızıstan boksçusu Mirbek Şirevlə üz-üzə gələcək. Tamerlan Abdullayev də (69 kq) 1\4 finalda qələbə qazanıb. Millimizin üzvü monqolustanlı Otonjarqal Jarqalı üstələyib – 3:0. Abdullayev yarımfinalda rusiyalı Tamerlan Maqomedovla görüşəcək.
Kamran Mehdiyev də (91+kq) ilk görüşdə qalib gəlib. O, litvalı Mantas Valaviçusu məğlub edib – 2:1. Mehdiyevi yarımfinalda rusiyalı Dmitri Mixin gözləyir. Soltan Migitinov (75 kq) və Üzeypat İsmayılov (91+kq) isə rusiyalı rəqiblərinə uduzaraq mübarizəni dayandırıblar. Buna qədər Batraz Qurtsiyev və və Rüstəm Musayev də yarımfinala vəsiqə qazanmışdılar.
