7 noyabr 2013 17:16
Baku Firesin heyəti açıqlandı
Ümümdünya Boks Seriyasında (WSB) yeni mövsümə hazırlaşan “Baku Fires” klubunun heyəti açıqlanıb. Azerisport.az xəbər verir ki, bu dəfə liqada boksçular 10 çəki dərəcəsi üzrə mübarizə aparacaqlarından komandaya 36 idmançı cəlb olunub.
Ötən mövsüm “Baku Fires”in şərəfini qoruyan dünya və Avropa çempionu Albert Səlimov yeni çempionatda da gücünü sınayacaq. Sadəcə bu dəfə Səlimov Azərbaycan idmançısı kimi qeydiyyatdan keçib. Mixail Veselov da WSB liqasında Azərbaycan boksçusu kimi döyüşəcək. İki qat dünya çempionu, Olimpiya oyunlarının bürünc mükafatçısı Məhəmmədrəsul Məcidov, Avropa çempionatlarının medalçısı Elvin Məmişzadə kimi təcrübəli boksçularla yanaşı, gənclər Salman İbrahimovla (64 kq), Nurlan Qasımlı da (52 kq) heyətə daxil ediliblər.
Heyətdə daha bir diqqəti cəlb edən idmançı Rauf Ağayevdir. Peşəkar boks yarışlarında bir neçə döyüş keçirmiş Ağayevin WSB liqasında debütü maraqla gözlənilir.
Qazaxıstanda keçirilən dünya çempionatının iştirakçısı Soltan Migitinov (75 kq) yenidən “Baku Fires”ə qayıdıb.
Qeyd edək ki, “Baku Fires” yeni mövsümdə ilk görüşünü noyabrın 15-də Almatıda “Astana Arlans”a qarşı keçirəcək. Komandamız 2-ci turda Quba Olimpiya Kompleksində “Mexico Guerreros”u qəbul edəcək.
49 kq:
Məgəmməd İbiyev, Xamza Nametov
52 kq:
Məhəmməd Abdulhəmidov, Elvin Məmişzadə, Rauf Ağayev, Nurlan Qasımlı, Murad Rabadanov
56 kq:
Orzubek Şaimov (Özbəkistan), Məhəmməd Qurbanov, Qairbek Qermaxanov, Giorgi Qoqatişvili (Gürcüstan)
60 kq:
Xurşid Tocibayev (Özbəkistan), Məhəmmədrəşid Cəbrayılov, Albert Səlimov
64 kq:
Məhəmmədəli Ukayev, Osman Əliyev, Salman İbrahimov
69 kq:
Abdulcabbar Həsənov, Kamil Əhmədov, Məhəmməd Nuruddinov, Yevgeni Romaşkeviç (Belarus)
75 kq:
Jaba Xositaşvili (Gürcüstan), Soltan Migitinov, Xaybulla Musalov, Mixail Veselov.
81 kq:
Batraz Qutsiyev, Samir Maqomedov, Ramazan Məhəmmədov, Mixail Dolqololevets (Belarus).
91 kq:
Denis Latipov, Vladimir Keleş (Moldova), Abdulqadir Abdullayev.
91+kq:
Məhəmmədrəsul Məcidov, Hacı Murtuzəliyev, Üzeypat İsmayılov, Arslanbek Mahmudov.
