26 oktyabr 2013 12:33
Məcidov: Azərbaycan xalqını sevindirmək istəyirəm!
Qazaxıstanın Almatı şəhərində keçirilən boks üzrə dünya çempionatında finala vəsiqə qazanan Məhəmmədrəsul Məcidov London Olimpiadasında məğlub olduğu Roberto Kamarellidən revanş aldığına görə şad olduğunu bildirib. Azerisport.az xəbər verir ki, o, bunları söyləyib:
“Əslində bir çox mütəxəssislər Olimpiadada mənim Kamarelliyə uduzmadığım fikrində idilər. Ancaq onda hakimlərin qərarı fərqli olmuşdu. Bu dəfə italiyalı boksçudan revanş ala bildim. Ağır döyüş oldu. Kamarelle bu çəki dərəcəsində ən güclülərdən biridir. Növbəti döyüşüm daha çətin olacaq. Çünki yerli idmançı İvan Dıçko ilə mübarizə aparacam. Azarkeşlər ona sonadək dəstək verəcəklər. Amma mən Azərbaycan xalqını sevindirmək istəyirəm. Buna görə də finalda qalib gəlmək üçün əlimdən gələni edəcəm”.
