22 oktyabr 2013 17:55
Məcidov:Növbəti döyüşlərdə daha üstün cıxış edəcəm
“İlk qarşılaşma olduğuna görə, döyüşüm bir az ağır keçdi. Amma hesab edirəm ki, növbəti görüşdə daha üstün çıxış edəcək və daha yaxşı görünəcəm”. Bunu azerisport.az saytına açıqlamasında, milli komandamızın lideri Məhəmmədrəsul Məcidov deyib.
Qazaxıstanın Almatı şəhərində keçirilən dünya çempionatında bir saat öncə 1/8 finalda ABŞ boksçusu Lenroy Tomsana qalib gəlmiş boksçumuz deyib ki, o, əvvəlki tək sözünün üzərində dayanır. Yəni, iddia yüksəkdi:
“Sizə yarışdan qabaq verdiyim müsahibə söylədiyim fikrimdə qalıram: dünya çempionatında hədəfim, istənilən halda, qızıl medal qazanmaqdı”.
Qeyd edək ki, titullu idmançımız 1/4 finalda rusiyalı Məhəmməd Ömərovla qarşılaşacaq.
