17 oktyabr 2013 14:50
Cavid Çələbiyev də qələbə ilə başladı
Qazaxıstanın Almatı şəhərində usta boksçular arasında dünya çempionatında 4-cü günün döyüşləri başlayıb. Azerisport.az xəbər verir ki, günorta proqramında Cavid Çələbiyev (56 kq) tacikistanlı Oraz Avzalhovla qarşılaşacaq. Gərgin mübarizədə təmsilçimiz rəqibini minimal hesabla üstələyib - 2:1 (28:29, 29:28, 30:27).
Boksçumuz 1/16 finalda olimpiya oyunlarının mükafatçısı, “Baku Fires” klubunun sabiq üzvü Tuqsqot Nayambayarla (Monqolustan) görüşəcək. Bu gün axşam proqramında isə, Soltan Migitinov (75 kq) rinqə çıxacaq. Onun rəqibi yamaykalı Conatan Hanson olacaq.
Qeyd edək ki, buna qədər ilkin mərhələdə 4 boksçumuz mübarizə aparıb. Elvin İsayev (60 kq), Heybətulla Hacəliyev (64 kq), Pərviz Bağırov (69 kq) qalib gəldiyi halda, Rauf Rəhimov (81 kq) mübarizəni erkən dayandırıb.
