17 oktyabr 2013 11:50
İsmayılov: Məcidov titulunu qorumalıdı
Boks millimizin keçmiş kapitanı Əli İsmayılov Qazaxıstanda start götürən dünya çempionatı haqda fikirlərini bölüşüb. Azerisport.az saytına müsahibəsində o, bunları söyləyib:
“Bu ilki çempionat dəbilqəsiz keçirilir. Bu mənada sürpriz nəticələrin olacağı dəqiqdi. Bizim yığma güclü heyətlə mübarizə aparır. Unutmaq olmaz ki, dünya çempionatı hər zaman gərgin keçir. Rəqabət çox güclü olur. Komandamızın 3 medal qazanacağına inanıram. Əsas ümid Teymur Məmmədovla Məhəmmədrəsul Məcidovadı. Sonuncu titulunu qorumalıdı. Məmmədov isə qızıl medal arzusunu reallaşdıra bilər. Fikrimcə yarımfinaldan sonra boksçularımızın çıxışı haqda konkret nəsə söyləmək mümkündü”.
