16 oktyabr 2013 10:47
Bu gün daha 2 boksçumuz rinqə çıxacaq
Qazaxıstanın Almatı şəhərində usta boksçular arasında dünya çempionatı davam edir. Azerisport.az xəbər verir ki, Elvin İsayevin (60 kq) ardından, dünən Heybətulla Hacəliyev (64 kq) də qələbə qazanıb.
B rinqində döyüşən təmsilçimiz filippinli Denis Qalvanı hər 3 hissədə üstələyib - 3:0 (30:27, 30:26, 30:26). Titullu idmançımız 1/16 final mərhələsində özbəkistanlı Sanjarbəy Rəhmanovla qarşılaşacaq.
Bu gün milli komandamızın daha 2 üzvü mübarizəyə qoşulur. Günorta proqramında Pərviz Bağırov (69 kq) taypeyli Yu-Jen Vanqla görüşəcək. Axşam isə, Rauf Rəhimov (81 kq) polşalı Mateuş Triklə münasibətləri aydınlaşdıracaq.
