3 oktyabr 2013 18:36
Baku Fires Rusiyada təlim-məşq toplanışındadı
“Baku Fires” boks klubu yeni mövsümə hazırlığı Rusiyanın Kislovodsk şəhərində davam etdirir. Azerisport.az xəbər verir ki, təlim-məşq toplanışına 29 boksçu cəlb olunub.
Baş məşqçi Nuripaşa Talibov, məşqçilər Əsgər Eyvazov və Yuri Çuykonun rəhbərliyi altında heyətdə dünya və Avropa çempionu Albert Səlimov, Məhəmməd Qurbanov, Nikolay Veselov və Xurşid Tocibayev kimi dəri əlcək ustaları yer alıblar.
İdmançılarımız Kislovodsk toplanışından əvvəl fiziki hazırlığın gücləndirilməsi üçün Rusiyanın Dombay qəsəbəsində məşq ediblər. Dombay dəniz səviyyəsindən 1650 metr yüksəklikdə yerləşir ki, belə iqlimdə hazırlıq komanda üçün vacib amildi. Çünki “Baku Fires” WSB liqasında Meksika təmsilçisi ilə bir qrupda mübarizə aparacaq. Mexiko şəhəri də dəniz səviyyəsindən 2240 metr yüksəkdədi.
Komandamız yarışın ikinci turunda meksikalıları Quba Olimpiya kompleksində qəbul edəcək. Baş məşqçi Nuripaşa Talibovun yetirmələrinin Azərbaycandakı məşq prosesləri də məhz Qubada keçiriləcək.
Komandamızın təlim-məşq toplanışı oktyabrın 24-nə kimi davam edəcək.
